Istorgias, che nagin na vuless passentar sez:

Il test d'intelligenza

Sam (26) è da l'avis ch'el saja fitg intelligent. Per cumprovar quai sa participescha el ad in test d'intelligenza d'ina rait sociala en l'internet. Suenter ch'el ha finì il test, inditgescha el – sco quai ch'i vegn pretendì – il numer da ses natel per ch'ils resultats dal test al possian vegnir tramess sur SMS. Immediatamain survegn el la conferma ch'el haja ina super intelligenza. El s'allegra. Main plaschair ha el dentant cur ch'el survegn in mais pli tard in quint da natel da passa 600 francs. Cur ch'el ha inditgà il numer da ses natel ha el – sco ch'i para – gist er abunà ulteriurs tests d'intelligenza fitg chars. Cun ina pitschna staila en il text ha l'offerent dal test rendì attent a quest abunament. Sam n'ha dentant betg remartgà quai.

[Tut il comic en survista]

TIP: Leger er quai ch'e stampà mo pitschen

N'inditgescha er en l'internet betg malprecautamain il numer da tes natel. Legia exactamain las obligaziuns che ti surpiglias. I renda da leger quai ch'è stampà mo pitschen, en spezial las cundiziuns generalas da fatschenta.

Ulteriuras infurmaziuns

Uffizi federal da communicaziun (UFCOM) - SMS, die kosten
La protecziun svizra da las consumentas e dals consuments (SKS) - SMS-Abofallen
Uffizi federal per dumondas dal consum (UFDC) / secretariat da stadi per l'economia (SECO) - Internetfallen
Servetsch da coordinaziun per il cumbat cunter la criminalitad en l'internet (SCOCI) - Meldeformular