Istorgias, che nagin na vuless passentar sez:

Il problem

A chasa sa retira Yasmin (12) fitg savens. Ella na mangia strusch, na discurra betg e fa l'impressiun dad esser trista. Ses geniturs sa fan quitads e dumondan adina puspè Yasmin, tge ch'i saja capità. Cun larmas als declera ella finalmain la situaziun: sias conscolaras e ses conscolars derasan nauschas manzegnas davart ella en l'internet e sur il natel. Ella è suttamessa ad in vair mobing e na sa betg co ch'ella duai sa defender. L'emprim na chapeschan ils geniturs betg da tge ch'ella discurra. Alura daventan els conscients da l'enorma influenza che l'internet e ch'il natel han sin la vita da lur figlia che sa participescha regularmain a forums da chat e che trametta SMS – sco tut ils uffants da sia vegliadetgna. Ils geniturs alarmeschan la scola.

[Tut il comic en survista]

TIP: Tematisar il mobing

Daventar ina victima da mobing fa adina mal – er sur l'internet. Sche ti has enconuschientschas d'attatgas da mobing sur l'internet, na guarda betg davent, mabain agescha e ta drizza sche necessari a persunas creschidas. Sche ti es sez(za) la victima, ta drizza en mintga cas ad ina persuna creschida da tia confidenza. Rimna ultra da quai er tut las infurmaziuns davart las attatgas e fa copias, per che ti possias cumprovar tge ch'è capità exactamain.

Ulteriuras infurmaziuns

Prevenziun svizra da la criminalitad (PSC) - Cybermobbing
educa.ch – il server svizzer da la furmaziun - Mediale Gewalt
Uniun elternet
klicksafe.de – l'iniziativa da la UE per dapli segirezza en l'internet - Cyber-Mobbing
Servetsch da coordinaziun per il cumbat cunter la criminalitad en l'internet (SCOCI) - Meldeformular